28-02-06

Een dalinge wegens omstandigheden.

Er is ook een belangerijke dalinge geweest van de lezers van mijn boek binst het weekend van mijn verblijf in de klinieke maar dat is verzekers te wijten aan 't feit dat Fons er niet vele aan dood heeft gedaan binst mijn afwezigheid op de boek. Ik ben wel vreende content dat mijn boek vandage niet genomineerd is voor een dalinge wat betekent dat Mariette weer stijgt in d'achtinge van de vele lezers van haar boek en de foto's van Fons, zegt Fons.

Er zijn klachten geweest van mijn vorige meninge dat ik een foute had gemaakt in mijn tale in het woord boek op het laatste meer 't was een foute zonder dat ik er stille bij stond.

Fons heeft stijve schone onderlijvekes gehad van het merk Michelle Omer en dat dat elders nievers te krijgen is dat merk zeiden ze bij Destroopere.

't Waait hier wel enorm vandage maar dat is meer een gedachte voor een boek over 't were dan in de plaats voor een plekke op Mariette haar boek dus mochten er mensen zijn met een boek over het were dat ze mij het dan een keer schrijven in mijn boek in verwachtinge dat ik dan eens in under boek mijn meninge van het were schrijf. Bedankt van Mariette.

Hierbij ook nog een speciale attentie voor de mensen die in een strate van beurtelings parkeren wonen dat het vandage veranderen is van kant, zegt Fons.

17:43 Gepost door Mariette Courgette | Permalink | Commentaren (8) |  Facebook |

Commentaren

* zoe, ge zè wéé oep bezuek gewest bou mein zonneblogske, nie alles kan omhoeg gaan he marietje, ma doe zoe voôt me kind, dan zallek nog veul kome leize, salu en de wind van agter.

Gepost door: kathy | 28-02-06

Goe! Das toch een leutige taal hé, da plat West-Vlams! Ik vraag me af waar kathy vandaan komt?
Mss staat het hier wel ergens vermeld, maar zover heb ik nog niet gelezen.

grt. tien* ; )
.

Gepost door: tien* | 28-02-06

Uwen Lada Akkoord Mariette dat het in onzen straat beurtelings parkeren is, meiske. Maar wilde toch vragen dat uwen Fons zijnen Lada eens vanvoor mijn poorte komt manoevreren? 'k Gon 't nie komen vragen, want met zo'n weer 'k zou mijn zeune er nog nie door willen jagen ook al is ' t maar aan den overkant van de strate. En zegt uwen Fons ook maar dat hij hem niet voor onze deure zet ook nie hé uwen Lada. 't Is nie voor 't een of 't ander, maar zo'n Lada voor mijn deure, ik heb dat toch nie geren zunne. Da's nu een keer geen zicht hé. Vraag subbinst aan Cindy'tjen heur vrijer dat hij zijn Audi A8 er een beetjen voor zet. Voor de poort mag ook (liefst zelfs). Allez, houd ulle goed éé!

Gepost door: René Planchez | 28-02-06

venten! jo marietje, aje ip dedie moe rekenen, best da ge were zelve an uwen boek kunt werken jong.
saluukes

Gepost door: dingske | 28-02-06

Marrietje Ge moe nie te dul zien ip Fons. Diene mens ed ook mo z'n beste gedoan vo joen lezers ip d'hoogte t'hoeden. En de menschen zien eigenlijk e bitje stoet, Marriete. Os ze e verhaaltje kun' lezen over 'buuzen in e gat' en al die wree affairen, zien ze kontent en kun' ze e ki lachen. Mor 't geweune leven besto nie ut spectaculaire gebeurtenissen en van die krankzinnige avonturen. Dat is nie geliek ne soap ip de televisie. En os je ton were thuus ziet van 't hospitoal en e bitje toe jezelven gekommen ziet... tja... ton goat under goeste vo te lezen were overe. Ton kieken ze liever were no diene soap ip den TV. 'k Vrèzen da je gi nog e ki e groat ongeluk go moeten tegenkommen vo were in de belangstellinge te stoan. Mo wit je wat da 't is, Marriete? Je zoe gi moeten kun' proberen de dagdagelijkse, ontroerende, lieve dingen te lèren beschrieven ip e maniere wovan dat iedereen de troanen in z'n ogen kriegt. Lat j'n erte spreken. Zet jezelven in j'n blooten. Klapt e ki van de dingen die joen ontroeren. En da moe nie geweldig zien; allène mo stille en deurleefd. Probeert da mor e ki.

Ik zoen 't nie kun', mo gie misschien wel...

Mo 'k moeten wel toegeven da 'k ook liefhebbere zien van diengen die e bitje onverwacht en brutaal en 'vo de vuuste' en zelfs plat zien. Joak, da leze 'k ik ook gèrn. Meer van da, zoe 'k zeggen. Os je meer van dadde et...
In elk geval...
'k Bluuven ip bezoek kom'.
Joen
Drs. Johan Arend Happollati

Gepost door: Drs. Johan Arend Happollati | 28-02-06

;-) Gappig toch dat dialekt
slaapwel
liefs ninne

Gepost door: Ninne | 01-03-06

Drs. Johan Arend Happollati Zo schoon! Heeft de Drs. ook een weblog? Oj zo schoane Brugs kan klappen, ton zoetta wal geestig zien...

Gepost door: René Planchez | 01-03-06

*** goeie morgen Mariette
een fijne en aangename woensdag je toegewenst
de groeten aan Fons !!

Gepost door: Borriquito | 01-03-06

De commentaren zijn gesloten.